Ресей азаматтарының Түркияда визасыз болу мерзімі екі айдан үш айға дейін ұзартылды.
Бұл туралы Түркияның Сыртқы істер министрі Мевлют Чавушоғлу әлемнің 24 елінен келген орыстілді БАҚ журналистері тобымен кездесуінде айтты, деп хабарлайды Anadolu агенттігі. Чавушоғлудың айтуынша, Ресеймен визалық режимді жеңілдету мәселесі ресейлік Су-24 ұшағының құлауына қатысты оқиғаға дейін де талқыланған.
2015 жылдың қарашасында Түрік әуе күштері Сириядағы әскери операцияға қатысқан ресейлік Су-24 бомбалаушы ұшағын атып түсірген оқиғадан кейін. Осыдан кейін екі ел арасындағы қарым-қатынас күрт нашарлап, 2016 жылдың 1 қаңтарынан бастап Ресей түрік азаматтарына визалық режим енгізгенімен, Анкара жауап шараларын қолданбады.
2017 жылдың наурыз айының басында Түркия президенті Режеп Тайып Ердоған мен Ресей президенті Владимир Путин арасында кездесу өтіп, оның барысында Ресейдің түрік азаматтары үшін визалық режимді алып тастау мәселесі де талқыланды.
2017 жылдың наурыз айының соңында Чавушоғлу Ресейдің ішкі төлқұжаттарын пайдаланып Ресейден келетін туристерді анықтау үшін түрік әуежайларында инфрақұрылым жасалып жатқанын айтты. «Енді қарым-қатынастарымыз қалпына келген соң, біз бұл мәселе бойынша келіссөздерге қайта орала аламыз», - деді Чавушоғлу.
