2013 жылдың соңында Қазақстан азаматтары Түркиядан жылжымайтын мүлік сатып алатын бес елдің қатарына кіреді. Қазақстандықтардың Түркияда жылжымайтын мүлік сатып алу транзакцияларының саны 9 есеге жуық артады деп болжануда. Бұл туралы Түркияның «Синан Иншаат» құрылыс компаниясының Қазақстандағы менеджері Александра Соколова айтты.
Биылғы жылы Sinan Invest сарапшылары Қазақстан Республикасы азаматтарының Түркияда жылжымайтын мүлік сатып алу транзакцияларының 500 нысанға дейін ұлғаюын күтуде. 2012 жылдың тамыз айынан бері қазақстандықтар 57 жылжымайтын мүлік сатып алған.
«Қазақстан жақын арада Түркияда жылжымайтын мүлік сатып алу бойынша жетекші елдердің тізіміне енуі мүмкін. Шетелдіктердің жылжымайтын мүлікті сатып алуының өзара принципін алып тастайтын заң қабылданғаннан бері ғана Қазақстан азаматтары Түркияда 57 жылжымайтын мүлікті сатып алды», - дейді Александра Соколова.
Еске салайық, Түркияда 2012 жылдың тамыз айында шетелдіктердің жылжымайтын мүлік сатып алуының өзара принципін алып тастайтын заң күшіне енген болатын. Қазақстан түрік жылжымайтын мүліктерін шектеусіз сатып алуға құқығы бар 129 елдің тізіміне енді.
«Бүгінде Қазақстан азаматтары жеке тұлғаға меншік иесінің барлық бірінші кезектегі отбасы мүшелеріне тұруға ықтиярхаты бар жылжымайтын мүлікті сатып ала алады. Қазақстан азаматтарының Түркияда жеке тұлға ретінде жылжымайтын мүлік сатып алуына тыйым салған заң күшін жойды. Бұған дейін тек иесі – Түркия азаматымен бірге заңды тұлға арқылы сатып алуға болатын», – дейді сарапшы.
Иесінің жалға беруден түсетін табысы маусымда күніне 80-ден 160 еуроға дейін, ал маусымаралық кезеңде айына 600-1200 еуроны құрайды.
«Дағдарыс кезінде Еуропадағы барлық жылжымайтын мүлік бағасы 30-50%-ға арзандады. Түркияда 2010 жылдан бастап аймаққа байланысты 10-20% өсім байқалады. Алдағы уақытта баға өседі деп күтілуде. Түркияның кейбір аймақтарында баға 3-5 айда 50 еуроға көтеріледі», - деп түсіндірді түрік құрылыс компаниясының менеджері.
Соколова ханымның айтуынша, 2012 жылы әлемнің 183 елінен келген инвесторлар жалпы ауданы 1 162 мың шаршы метр болатын 2 578 түрік жылжымайтын мүлікті сатып алған. Түркиядағы жылжымайтын мүліктің басым бөлігін неміс азаматтары сатып алған. 561 немістің меншігінде жалпы ауданы 789 мың шаршы метр 775 түрік жылжымайтын мүлік бар. Үздік үштікке ағылшындар мен ресейліктер де енген. Ресей Федерациясының азаматтарына 2008 жылдан бастап жеке тұлғаға жылжымайтын мүлік сатып алуға рұқсат етілген. Түркиядағы Ресей азаматтарының 416, ал британдықтардың 365 жылжымайтын мүліктері бар, ресейліктер мен британдықтарға тиесілі жылжымайтын мүліктің жалпы ауданы 118 мың шаршы метрді құрайды.
Авторы: АНТОН ЛИННИК
