«Курсив» (Қазақстан). 2013 жылдың соңында Қазақстан азаматтары Түркиядан жылжымайтын мүлік сатып алатын бес елдің қатарына кіреді. Қазақстандықтардың Түркияда жылжымайтын мүлік сатып алу транзакцияларының саны 9 есеге жуық артады деп болжануда. Бұл туралы Түркияның «Синан Иншаат» құрылыс компаниясының Қазақстан Республикасындағы менеджері Александра Соколова айтты.
Биылғы жылы Sinan Invest сарапшылары Қазақстан Республикасы азаматтарының Түркияда жылжымайтын мүлік сатып алу транзакцияларының 500 нысанға дейін ұлғаюын күтуде. 2012 жылдың тамыз айынан бері қазақстандықтар 57 жылжымайтын мүлік сатып алған.
2012 жылдың тамызында Түркияда шетелдіктердің жылжымайтын мүлікті сатып алуы үшін өзара принципті жою туралы заң күшіне енді. Қазақстан түрік жылжымайтын мүліктерін шектеусіз сатып алуға құқығы бар 129 елдің тізіміне енді.
«Бүгінде Қазақстан азаматтары жеке тұлғаға жылжымайтын мүлік сатып алып, отбасының барлық мүшелеріне тұруға рұқсат ала алады. Қазақстан Республикасы азаматтарының Түркияда жеке тұлға ретінде жылжымайтын мүлік сатып алуына тыйым салған заң күшін жойды. Бұған дейін тек иесі – Түркия азаматымен бірге заңды тұлға арқылы сатып алуға болатын», – дейді сарапшы.
Иесінің жалға беруден түсетін табысы маусымда күніне 80-ден 160 еуроға дейін, ал маусымаралық кезеңде айына 600-1200 еуроны құрайды.
