Өткен жылдың тамыз айында Түркияда шетелдіктерге мүлік сатып алудағы өзаралық қағидасын жою туралы заң қабылданды.
Содан бері Қазақстан азаматтары Түрік Республикасында 57 бірлік мүлік сатып алды, деп хабарлайды BNews.kz тілшісі.
Эгей жағалауындағы жылжымайтын мүліктің ең белсенді сатып алушылары Алматы, Шымкент және Астана тұрғындары болып аталды.
Негізінен бұл Түркиядағы жылжымайтын мүлікті сатып алуды инвестиция ретінде қарастыратын немесе балалары мен ата-аналары үшін тұрғын үй сатып алатын кәсіпкерлер.
Бұл туралы Алматыдағы баспасөз конференциясында Александра Соколова - Қазақстандағы Sinan Invest инвестициялық құрылыс холдингінің басқарушысы хабарлады.
Оның айтуынша, Мерсин облысындағы (Түркия) тұрғын үйдің құны 85-110 шаршы метр үшін 55 250-ден 93 500 еуроға дейін, яғни 600 еуро (құрылыстағы кешендерде) 850 еуродан бір шаршы метрге дейін (жиһаз бен техникасы бар салынған кешендерде) құрайды. Бұл ретте, пәтерлердің ауданы 75-тен 195 шаршы метрге дейін.
"Қосымша табыс алуды және пәтерлерді жалға беруді қалайтындар маусымда күніне 80-ден 160 еуроға дейін және маусым аралығында айына 600-1200 еуроға дейін табыс таба алады", - деп хабарлады Соколова
Сонымен қатар, Түркияның басқа облыстарында бірінші жағалау сызығындағы пәтерлердің орташа құны 1,5-тен 2 мың еуроға дейін құрайды, деп жазады Tengrinews.kz.
Құрылыс компаниясының басқарушысы атап өткендей, 2012 жылдың 7 тамызынан бастап Түркияда шетелдіктерге (жеке тұлғаларға) мүлік сатып алу бойынша өзара принципті жоятын заң күшіне енді. Бұрын Түркияда мүлікті тек Түркия азаматы - иесімен бірге заңды тұлғаға ғана сатып алуға болатын.
Енді, осы заңға сәйкес, Түркияда мүлкі бар шетелдік азаматтар үшін тұрғылықты рұқсатның мерзімі бір жылға дейін ұзартылды.
"Және тұрғылықты рұқсатты иеленгеннен кейін сегіз жылдан соң шетелдіктер азаматтық ала алады", - деп атап өтті Соколова.
Соколованың айтуынша 183 елден келген инвесторлар 2012 жылы 2578 жылжымайтын мүлік объектісін сатып алды, олардың жалпы ауданы 1162 мың шаршы метрді құрайды. Түркияда ең көп жылжымайтын мүлік Германия азаматтарына сатылған. 561 неміске 789 мың шаршы метр жалпы ауданы бар 775 жылжымайтын мүлік объектісі тиесілі. Үздік үштікке сондай-ақ ағылшындар мен ресейліктер кіреді.
Ресей Федерациясының азаматтарына 2008 жылдан бастап жеке тұлға ретінде жылжымайтын мүлік сатып алуға рұқсат етілген. Түркиядағы Ресей азаматтарына 416, ал Ұлыбритания азаматтарына 365 жылжымайтын мүлік объектісі тиесілі, ресейліктер мен ағылшындарға тиесілі жылжымайтын мүліктің жалпы ауданы 118 мың шаршы метрді құрайды.
Қазақстан азаматтары 2012 жылы 57 жылжымайтын мүлік объектісін сатып алды және Түркия шетелдік инвесторлар қатарында қазақстандықтардың үлесін арттыруды болжайды.
Бұрын хабарланғандай, түрік бизнесі, керісінше, Қазақстанда фармацевтикалық зауыттар салуға инвестиция салуға ниетті болды.
Стамбулдағы бизнес-форумда құрылыс саласына және құрылыс материалдарын өндіруге, өңдеу саласына инвестициялар дамыту, Қазақстанда каустикалық сода шығаратын зауыт салу мәселесі қаралды.
Ал былтыр Қазақстан мен Түркия «Жаңа синергия» атты бірлескен экономикалық бағдарламаны іске асыру жөнінде іс-шаралар жоспарын қабылдады, ол сауда-экономикалық қатынастар деңгейін 10 млрд еуроға жеткізуді және жыл сайын инвестиция көлемін 500 млн еуроға арттыруды көздейді.
