Ресей азаматтарының Түркия аумағында визасыз болу мерзімі екі айдан үш айға дейін ұзартылды. Мұндай мәлімдемені Түркия Сыртқы істер министрі Мевлют Чавушоглу әлемнің 24 елінен келген орыс тілді БАҚ журналистер тобымен кездесу барысында айтты, деп хабарлайды «Анадолу» агенттігі.
Чавушоғлудың айтуынша, Ресеймен визалық режимді жеңілдету мәселесі ресейлік Су-24 ұшағын құлату оқиғасына дейін талқыланған.
2015 жылдың қарашасында Түркия Әуе күштерінің ресейлік Су-24 бомбалаушы ұшағын құлатуынан кейін, бұл ұшақ Сириядағы әскери операцияға қатысқан болатын. Осыдан кейін екі елдің де қарым-қатынасы күрт нашарлап, 2016 жылдың 1 қаңтарынан бастап Ресей Түркия азаматтары үшін визалық режим енгізді, алайда Анкара жауап ретінде шара қолданбады.
2017 жылдың наурыз айының басында Түркия президенті Реджеп Тайып Ердоған мен Ресей президенті Владимир Путин кездесті, сонымен қатар Ресейдің түрік азаматтары үшін визалық режимнен бас тарту мәселесі талқыланды.
2017 жылдың наурыз айының соңында Чавушоглу Түркия әуежайларында Ресейден келген туристерді ресейлік ішкі паспорттар бойынша анықтау үшін инфрақұрылым құрылуда деп мәлімдеді. «Енді біздің қарым-қатынасымыз қалыпты жағдайға оралғанда, біз бұл мәселе бойынша келіссөздерге ораламыз», - деп түсіндірді сол кезде Чавушоглу.
